OTP bank Ўзбекистонга кирадими? Венгрия бош вазири Виктор Орбан келаётган ҳафта Ўзбекистонда бўлади. Бундан аввал Венгриянинг OTP Bank гуруҳи Ўзбекистон банк бозорига кириши мумкинлиги ҳақида хабарлар пайдо бўлганди. OTP Bank 1995 йилда хусусийлаштирилган венгер банкларидан энг йириги. Хусусийлаштиришдан аввал бизнинг Халқ банки сингари ўринга эга бўлган. Банкнинг хусусийлаштириши тарихи ва муваффақиятлари ҳақида китоблар ёзилган. Хусусийлаштирилгандан кейин шиддат билан ўсиб бораётган банк учун Венгрия торлик қилиб қолган ва банк ўз фаолиятини бутун шарқий Европа ва собиқ Совет ўлкалари томон кенгайтирган. Профили бўйича чакана банк ҳисобланган OTP bank'нинг қайсидир йирик ўзбек давлат банкининг хусусийлаштирилишида иштирок этиши чакана банк бозорида жиддий ўзгартиришлар ясаши мумкин.