Ўзбекистоннинг 5- йирик банки сотилди! Тошкент шаҳрида "Ипотека-банк"ни хусусийлаштириш тўғрисида олди-сотди шартномаси ОТП банки номидан Бошқарув раиси ва Бош ижрочи директори Шандор Чанйи ва Бош ижрочи директор ўринбосари Ласло Волф, шунингдек, Ўзбекистон Республикаси Молия вазирлиги номидан Молия вазири Тимур Ишметов, Ўзбекистон Республикаси номидан Бош вазир ўринбосари - Инвеститсиялар ва ташқи савдо вазири Жамшид Ходжаев томонидан имзоланди. Битимнинг молиявий қиймати очиқланмаган. OTP Bank Ўзбекистон Республикаси Молия вазирлигига тегишли 100% акцияларни (акцияларнинг умумий пакетининг қарийб 97%) икки босқичда сотиб олади: акцияларнинг 75% ҳозир, қолган 25% эса биринчи битим молиявий ёпилганидан уч йил кейин. Биринчи битимнинг молиявий ёпилиши 2023-йилнинг биринчи ярмида амалга оширилиши кутилмоқда. "Ипотека-банк" 8,5% бозор улуши ва 1,6 миллиондан ортиқ чакана мижозлари билан Ўзбекистондаги бешинчи йирик банк ҳисобланади. Эслатиб ўтамиз, "Ипотека-банк"ни потенциал сотиб олиш юзасидан келишув тўғрисида меморандум ўтган йилнинг кузида Биринчи Иқтисодий форум доирасида бўлиб ўтган музокаралар натижасида имзоланган эди. Бугунги битим билан жараён ўзининг мантиқий якунига етмоқда.