Қозоғистонда коронавирус инфекциясига чалиниши ҳолатлари юқорилигича қолмоқда. Кейинги 2 ҳафтада кунлик шикастланиш кўрсаткичи 1000 тадан кам бўлмаган. Охирги кунларда бу кўрсаткич 1500тагача чиққан. Айни вақтда мамлакат шимолида касалланиш кўрсаткичлари камайиб, шу пайтгача нисбий осойишталик ҳукм сурган Қизилўрда, Туркистон вилоятлари ва Шимкентда ошиб бормоқда. Қозоғистонда вакцинация тадбирлари феврал ойида бошланган. Қозоқ дўстларимиз 1 июлгача 2 млн .фуқарони, йил охиригача эса 6 млн. фуқарони коронавирусга қарши эмлашни режалаштиришган.