​Ўсимлик ёғи нархлари мониторинги ва дарахт оқлаш вазифалари ҳақида Статистика қўмитаси 2021 йил 14 апрель куни деҳқон бозорларида ўтказилган кузатув натижалари билан бўлишган. Қўмита кузатувчиларининг қайд этишича, шу куни Андижонда "Янгибозор деҳқон бозорида" ва Тошкентда "Қўйлиқ деҳқон бозорида"да 12 минг сўмдан пахта ёғи сотилган. Таъкидлаш керакки, пахта ёғининг биржа нархлари ўтган ҳафтанинг ўзидаёқ килоси 16 минг сўмдан, литри 13,5 минг сўмдан ошиб кетганди. Бугунги кун ҳолатига чакана савдода 18 минг сўмдан арзонига қадоқланган пахта ёғи топиш қийин. Шу билан бирга, Самарқандда "Сиёб деҳқон бозори"да ва Чирчиқда "Чирчиқ деҳқон бозори"да кунгабоқар ёғини 20 минг сўмдан харид қилиш мумкинлиги қайд этилган. Статистика қўмитаси, масалан, Янгиҳаёт туманидаги бозорлардаги нарх-наво ҳақида маълумот келтирмаган. Чунки худди шу куни қўмита ходимлари нарх-навони мониторинг қилиш билан эмас, дарахт оқлаш ва ариқларни тозалаш ишлари билан машғул бўлган. Ой сайин эмас, кун сайин ошиб бораётган ўсимлик ёғи нархлари ва бу фақат бошланиш нуқтаси экани ҳақида мана бу ерда ўқишингиз мумкин.