Тошкент туманида газ таъминоти огоҳлантиришсиз ўчирилган. Газ яна 3 кун бўлмаслиги айтилмоқда Бугун Тошкент туманида газ таъминоти ҳеч бир огоҳлантиришсиз ўчирилган. Ижтимоий тармоқларда газ 27 майга қадар, 3 кун бўлмаслиги айтилмоқда. Газ таъминоти ўчирилиши ҳақида на Ҳудудгазтаъминот АЖ ва на Тошкент вилояти ҳокимияти сайтида ахборот берилган. Ҳудудгазтаъминот АЖ расмий сайти 2020 йил 28 декабрдан буён янгиланмаган. Тошкент вилояти ҳокимияти сайти эса вилоят ҳокими сўзларини имло хатолари билан, масалан, мана бундай тарзда тақдим этишда давом этмоқда: DAVRON HIDOYATOV: ERGA XIYONAT, EL RIZQIGA XIYONAT BO'LADI. Шундай экан, пойтахтнинг шундоқ биқинида 150 минг аҳоли газсиз қолса нима бўпти? Шу саволни бериш учун 35 минутдан буён 1104 оператори жавоб беришини кутаяпман. Ё хизмат ишламайди, ёки кўп тармоқли канал учун биттагина оператор олишган. @the_bakiroo