"Очиқлик декрети" эълон қилинди Давлат ва ҳокимият органларининг, давлат назорати остидаги субъектларнинг очиқлигини кенгайтиришга қаратилган Фармон қабул қилинди. Унга кўра, масалан қуйидагилар Очиқ маълумотлар порталига жойлаб борилади: давлат харидлари, шу жумладан, тўғридан-тўғри шартномалар бўйича харид қилинадиган товарлар; ўзбек чиновниклари хизмат сафарлари ва хориждан ташриф буюрган меҳмонларни кутиб олиш харажатларини; Солиқ ва божхона имтиёзлари ҳамда преференциялар, шу жумладан, индивидуал имтиёзлар берилган субъектларнинг якуний бенефициарлари; объектларни қуриш, реконструкция қилиш ва капитал таъмирлаш ишлари, автомототранспорт воситаларини сотиб олиш харажатлари. Шунингдек: Давлат солиқ қўмитаси – давлат иштирокидаги корхоналар томонидан тўланган дивидендлар тўғрисидаги маълумотларни; Шунингдек: Молия вазирлиги – давлат иштирокидаги корхоналарга сарфланган Давлат бюджети маблағлари, тегишлича хориждан жалб этилган маблағлар, шу жумладан, давлат ташқи қарзи суммалари ҳамда уларнинг сарфланиши тўғрисидаги маълумотларни Порталда эълон қилиб боради. Парламент ва Кенгашларнинг сессиялари, суд мажлислари жонли эфирда тв ва интернет орқали трансляция қилинади.