​Грузия ва телеграм Грузияда телеграм оммалашмаган. Буни самолетдан тушибоқ, аэропортдаёқ ҳис этиш мумкин. Реклама баннерлари ва билбордларда бренд ва компанияларнинг телеграм контактлари умуман кўрсатилмаган. Чегара назоратида четдан келганларга "Грузияга хуш келибсиз" дейилган эслатма буклет тақдим этишади, унда COVID-19га қарши огоҳлантиришлар, ПЦР тести топшириш талаблари, жойлари ва зарур ҳолатларда мурожаат қилиш мумкин бўлган органларнинг контактлари қайд этилган. Бундаям телеграм контактлари йўқ. Тбилиси кўчалари бўйлаб юрар экансиз ёш йигит қизлар ҳар қадамда сизга ресторан, туристик, такси ва бошқа хизматлар таклиф этилган реклама флаерлари тарқатишади. Бизда ҳам бундан ўнйиллар шундай эди. Токи телеграм пайдо бўлмагунича. Айнан телеграм флаер ва брошюралар орқали истеъмолчига ахборот тарқатиш воситасини бозордан чиқариб юборганди. Наҳотки, Грузияда оммабоп, ижтимоий телеграм каналлари йўқ, дерсиз. Бор. қидириб кўриб топдим. Энг кўп аъзоси бор муаллифлик каналларининг 1000-3000 атрофида ўқувчиси бор. Қизиғи, бу каналларнинг муаллифлари ҳам асосан собиқ совет ўлкаларидан, Россия, Белорус, Украинадан келиб Грузияда ишлаб ё яшаётганларнинг каналлари ва уларнинг ўқувчилари ҳам асосан собиқ совет ўлкаларидан экан. @the_bakiroo