Озиқ-овқат хом ашё нархларида пасайиш тенденцияси Пандемиядан кейинги даврда нархлари муттасил ошиб борган озиқ-овқат котировкалари мўътадиллашуви ва аста-секин пасайиши бошланган кўринади. Охирги савдоларда масалан буғдойнинг тоннаси 2021 йилда кузатилган энг қуйи даражагача - 240 долларгача пасайган, Солиштириш учун бу апрелдаги максимумлардан 75 доллар пастроқ дегани. Буғдой ортидан озиқ-овқат саноатида ўта муҳим хом-ашёлар ҳисобланган соя ва маккажўхори нархларида ҳам волатиллик йўқолиб, барқарорлашиш ва пасайиш тенденцияси кузатилмоқда.