Самарадорлик ва соғлом ақл истаги Албатта карантин чекловлари кўпчиликка, айниқса бизнес учун жуда ёқимсиз, янги стресслар, янги йўқотишлар, эндигина тикланаётган занжирларнинг узилиши оғриқли. Айниқса, шунча фестиваллар, ура-ура тадбирлар ўтиб турган бир шароитда вилоятлардан автомобиль қатновини чеклаш мантиқсиздек туялади. Шикастланиш ортишини тийиб туриш учун наҳотки айнан шу чекловларнинг нисбий афзаллиги юқори бўлса? Нима бўлгандаям, бугун эълон қилинган қарорнинг энг муҳими, менинг назаримда, янги карантин чекловлари эмас, Тошкент шаҳри аҳолисининг 18 ёшдан катта бўлган барча қатламини ихтиёрий эмлашга киришилаётгани. Шу масалада икки оғиз айрим фикрлар: Ихтиёрий эмланишни Тошкент тажрибасидан кейин бутун Ўзбекистонга қўллаш керак. Суҳбатларда ва мулоқотларда эшитаяпмиз, устувор тарзда вакцинацияланиши керак бўлган минглаб аҳоли вакцина олишдан бош тортаётганлиги кўп таъкидланмоқда. Айни вақтда рўйхатга кирмаган бошқа тоифадаги минглаб аҳоли ўз ихтиёри билан вакцина олишни истайди. Натижада вакцинациялаш бўйича юқори унумдорликнинг таъминлаш жуда қийин кечмоқда. Вақт ва меҳнат сарфи жуда баланд. Шахсан ўзим ва ўнлаб дўст танишларим вакцина олиш истагида. Айни вақтда ҳар куни ишда, кўчада вакцина олишдан бош тортган қариялар, ўқитувчилар ҳақида эшитаман. Ҳукумат ўз ихтиёри билан вакцина олишни истаган ва лекин приоритет рўйхатга тушмаган қатлам учун вакциналаш дарчасини ҳозирча Тошкентда яратаётгани бу йўлдаги тўғри қадам. Янга бир гап. Вакциналанувчилар қатлами кенгайиши ишни логистик ва ахборот жиҳатдан самарали ташкил этилишини талаб этади. Шу ўринда ихтиёрий вакцинацияланувчилар учун рўйхатдан ўтиш асосидаги ягона платформа яратилиши жудаям муҳим. Бу тарзда вакциянациялашни ташкил этиш маълумотларни жамлаш, қайта ишлаш, логистика, мобиллик ва натижалар самарадорлигини оширишда жуда қўл келади. @the_bakiroo