Вакциналашдаги бардак ҳақида Ўзбекистонда вакциналаш бошлангандан буён вакциналашни тарғиб қилиб келаман. Чунки коронакризисдан чиқишнинг бошқа муқобил йўли йўқ. Мутлақ кўпчилик қисқа муддатда тўлиқ вакциналаниши керак. Бўлмасам шунча ҳаракат ва маблағ ҳавога совурилган бўлади. Ўзимга келсак. 3 июль куни Халқаро Пресс-клубнинг тўғридан-тўғри эфирида AstraZeneca вакцинасининг биринчи дозасини олдим. Олдин ёзганимдек, бундан кейин на биров аҳволинг қалай, нима бўлди, деб хабар олди, на вакцинанинг биринчи дозасини олганимни тасдиқловчи смс келди. Бир неча бор ўша кунги эфирдаги тиббиёт ходимларига қўнғироқ қилдим. Қайта-қайта фамилиям, исмим, паспорт маълумотлари, телефонимни эслатдим. Ўз тажрибамда кўрдимки, Ўзбекистонда вакциналаш жараёнининг ягона базаси йўқ экан. Рўйхатлар, вакциналанувчилар ҳақидаги ахборот қанақадир дафтарларда, қаламлар билан тўлдирилмоқда, назаримда. Менинг фамилиям қайси поликлиниканинг дафтарида эканини топа олишгани йўқ ҳатто. Яна бир гап. Вакциналаш бўйича Ўзбекистонда ахборот берувчи ягона контакт марказ, ягона ахборотлар платформаси борми? Бусиз қандай қилиб сифатли натижага эришиш мумкин? Қандай қилиб одамларнинг ишончи тўғрисида сўзлаш мумкин. Вакцина олмоқчи бўлганларнинг ҳам хафсаласи сўндирилаяптику. Яна 2 кундан кейин AstraZeneca вакцинасининг иккинчи дозасини олишим керак. Лекин қачон, қаерда билмайман! Кутаяпман! @the_bakiroo