Валюта бозорида хорижий валютага таклиф ҳам, талаб ҳам ўсмоқда Таклифнинг мумий ҳажми 1,6 баробарга, талабнинг умумий ҳажми эса 1,4 баробарга ўсган. Яъни талабнинг ўсиши бироз ортда қолмоқда, табиийки, таклиф ва талаб ўртасидаги ўтган йилларда шаклланган фарқ борган сари қисқариб бормоқда. Миллий валюта курсининг барқарорлигини айнан шу жиҳат билан ҳам изоҳлаш мумкин. Айни вақтда 2021 йилнинг ўтган даврида хорижий кредитларни сўндириш учун чет эл валютасини сотиб олиш ҳажми ва улуши ортганлигига эътибор қаратиш лозим. 2017-2020 йилларда фаол, хусусан хорижий валютада фаол кредитлаш валютадаги мажбуриятларни қоплаш учун етарли миқдорда экспорт оқимларини ярата олдими? Бу жиддий савол. Шу билан бирга импортни молиялаштириш учун чет эл валютасидаги кредитлар улуши сезиларли даражада пасайиб бормоқда. Бу 2021 йилда бошланган "долларлашув"ни исқартириш доирасидаги амалий ҳаракатларнинг илк натижалари бўлиши мумкин.