​Июлда ҳам валюта таклифи тезроқ ўсган Январь-июль ойларида хорижий валютага талаб 38 218 млн.долларни, таклиф эса 33 020 млн.долларни ташкил этган. Ўтган йилнинг шу даврига нисбатан талаб ҳажми 17,7%га, таклиф ҳажми эса 28,0%га ўсган. 6 ойликка нисбатан талабнинг ҳам, таклифнинг ҳам ўсиши бироз секинлашган, лекин таклиф юқорироқ суръатда ўсишда давом этган. Алоҳида июль ойида хорижий валютага талаб 6 248 млн.долларни (+6,0%), таклиф эса 5 254 млн.доллардан (+12,8%) иборат бўлган. Иқтисодиёт ва молия вазирлиги, Тикланиш ва тараққиёт жамғармаси ҳисобига тўғри келадиган таклиф ҳажми алоҳида очилмаган. Августда ҳам сезиларли мустаҳкамланаётган сўм курсини пул ўтказмалари ва экспортнинг фаол ўсаётгани ҳисобига ички бозорда таклифнинг тезроқ ўсиши белгилаётган бўлиши табиий.