Суверен фондимиз - Тикланиш ва тараққиёт жамғармаси 2- чорак балансини эълон қилди Эълон қилинган маълумотларга кўра, жамғарманинг узоқ муддатли инвестициялари қарийб 8 трлн.сўмга кўпайган. Айни пайтда ликвидлироқ воситалар -қисқа муддат инвестициялар 5,2 трлy.сўмга камайган. Пул маблағлари ва унинг экивалентларида ҳам камайиш қайд этилган. Албатта, алоҳида расшифровкаларсиз ушбу маълумотларни кенгроқ талқин қилиш қийинроқ. Жамғарма 2- чорак якуни бўйича молиявий натижаларини, яъни фойда ва зарарлар ҳисоботини очиқламаган. Ўтган чоракни жамғармамиз 1,6 трлн.сўм зарар билан ёпганди. Жамғармани руҳини белгиловчи асосий вазифаларидан четланиб, унинг навбатчи чўнтак ўлароқ қараш ва фойдаланиш давом этаётганини яна бир бор такрорлашга тўғри келади. Яқиндагина туғилган 50 кишилик штатга эга Стратегик ривожланиш агентлиги харажатлари учун Ўзбекистон тикланиш ва тараққиёт жамғармасидан 30 млн.доллар ҳеч қанақа шартларсиз ўтказиб берилиши шулар жумласидандир. Биз ўзимиз учун аниқлаштириб олишимиз керак - Тикланиш ва тараққиёт жамғармаси иқтисодиёти нархлари тез ўзгарувчан хом-ашёга қатттиқ боғланган Ўзбекистоннинг эҳтимолий қора кунлари учун молиявий буферми ёки иккинчи ёпиқ бюджет - кенг очиқланмайдиган, харажат ва даромадлари хаотик тарзда манипуляция қилинадиган навбатчи чўнтак? @the_bakiroo