​Кўп қаватли уйларга ҳожатхона керак Сарлавҳани ўқиб ҳайрон бўлманг. Вилоят ва туманларимизда жойлашган қатор кўп қаватли уйларнинг ҳожатхонаси "дом"нинг ташқарисида. Ўчоғи ҳам ташқарида, сув ҳам ташқаридан ташилади. Бу бор реаллик. Ташаббусли бюджет лойиҳаларини кўздан кечира туриб мен учун қадирдон бўлган Қорақалпоғистоннинг Шуманай туманида шундай таклифларни кўрдим. Туманнинг Маданият МФЙда жойлашган Туркистон кўчасидаги кўп қаватли уйларга ҳожатхона ва омборхона қуриш сўралаяпти. Бундай сўровлар битта эмас. Худди шу МФЙнинг Дўстлик кўчасидаги кўп қаватли уйлар учун ҳам ҳожатхона қуриш таклиф этилган. Мазкур маҳалланинг Амударё кўчасидаги домларнинг бири эса жудаям таъмирталаб. Балки бу домга ҳам ҳожатхона керакдир. Ҳаммасини ўзгартириш мумкин. Шунчаки бефарқ бўлманг. Жуда кўп катта ишлар кичик қадамлардан бошланади. Овоз беринг. Шунингдек ташаббусли бюджет лойиҳалари билан боғлиқ постларни тарқатишга қўл урганлардан жудаям миннатдорман. Сиз эзгулик тарафидасиз. @the_bakiroo