Сув керак, лекин, менимча ҳожатхона муҳимроқ Тошкент вилоятининг Тошкент тумани бўйича 90 та ташаббусларнинг ҳар иккисидан бири сув билан боғлиқ, ҳар учтасидан бири йўл билан, ҳар тўрттасидан бири алоқа ва интернет билан боғлиқ. Пойтахтнинг биқинидаги туман учун бу шармандалик албатта. Ўзбекистоннинг бугунги реаллигини тушуниш учун Қашқадарё ё Қорақалпоққа бориш шартмас, шундоқ Тошкент туманига чиқиш етарли. Ҳа, пойтахтнинг шундоқ биқинидаги туманида сув ҳам муаммо, йўл ҳам муаммо, алоқа ва интернет ҳам муаммо. Тошкентдан учинчи эмас, тўртинчи дунёга чиқиш учун ундан 5 километр ташқарига чиқиш кифоя. Бугун мен ҳамма учун маълум бу ҳақда ёзмоқчи эмасман. Бугунги муаммо ҳожатхона! Тошкент туманидаги 29- мактабга янги ҳожатхона керак! Сизни шу лойиҳага овоз беришга чақираман Эркинлик ва покизалик ҳожатхонадан бошланади! @the_bakiroo