Этагингдан тушса, қўнжингга Тўғриси, энг эзгу ниятлар билан бошланган ташаббусли бюджет доирасида ҳокимиятнинг чўнтак лойиҳалари ғолиб чиқади, деб асло ўйламагандим. Қурбонов "Чилонзор тумани бўйича туман ҳокимияти учун ошхона қуриш лойиҳаси" ва "4- сектор штабини таъмирлаш" лойиҳалари ғолиб чиққанига эътибор қаратмоқда. Ишончим комил, Чилонзордаги каби жузъий ҳолатлар "Ташаббусли бюджет" лойиҳасини обрўсизлантирмайди. Қайтанга унинг шарт ва мезонларини қайта кенгайтиришни, янада ижтимоийлаштиришни талаб этади. Яна бир жиҳат, агар ғолиб бўлган лойиҳаларга кўз югуртирсангиз, тематикаси бўйича ТОП-10 ташаббуслар орасида энг кўп таълим билан боғлиқ ташаббуслар ўта фаол қўллаб-қувватланганига гувоҳ бўласиз. Демак, долзарб лойиҳани кун тартибига киритишнинг ўзи кифоя эмас, уни ижтимоий фаол қўллаш ҳам керак. P.S. Агар яна эътибор қаратсангиз, "Чилонзор тумани бўйича туман ҳокимияти учун ошхона қуриш лойиҳаси" ва "4- сектор штабини таъмирлаш" лойиҳалари учун онлайн овозлар биттадан ҳолос. Яъни, эҳтимолки шу лойиҳаларни киритган шахсларгина ўзи овоз берган. Қолгани барчаси смс-овозлар. Яъни манипуляция ва маъмурий омилнинг ўрни жуда сезиларли. Келажакда бу ҳақда ҳам албатта ўйлаш керак.