​Сут пулини бекор қилган Тетчер ҳақида Беҳзод Ҳошимов ҳукуматга келгач, мактабларда сут пулини бекор қилган Маргарет Тетчер ҳақида қатор твитларни қолдирди: "Тетчер сутни олиб қўйиб тўғри қилган эди. Қарорларни ниятлар билан эмас, оқибатлар билан баҳолаш керак. Қолдириш "яхши" эшитилар эди, лекин тентаклик бўлар эди. Сиёсатчи Тетчер учун хато эди, ҳа, лекин тўғри қарор эди. (Сиёсий мерос) Жамият учун тўғри эди. Умрининг охиригача тўғри қилган ишидан афсусланган. Ота-оналар сут бера олган, мактаб қура олмаган лекин. Сутни қолдириб, мактаблар қурмаслик ва китоб бермаслик осон иш бўлар эди, ахир сиёсатда "шу пулга қилса бўладиган" нарсалар кўринмайди. Ўша пайт - сут тарқатишга ҳукумат 14 миллион фунт сарф қилар эди, китобларга ярмидан кам. Сут бериш таълим харажати эмас, ижтимоий хизмат эди. Тетчер шуни тушунган ва таълим бюджетидан сутни тўғри кесган. Кўп болалар ёмон шароитда ўқийди - менимча, мактабларни тўғирлаш бизнинг биринчи ишимиз" деган эди у".