Азиза Умар Улуғ Британиянинг буюк бош вазири Маргарет Тэтчер ва унинг "сут қонунлари"ни эслапти. Балки кўпчилик ҳозир эслай олмас, лекин Ислом Каримов ҳокимиятга келганда амалга оширган халқпарвар ишларидан бири аҳолига томорқа тарқатиш бўлган бўлса, иккинчиси мактаб ўқувчиларини бепул нонушта билан таъминлаш бўлган. Мен чекка тумандаги чекка мактаблардан бирида ўқиганман ва ҳар ўқиш куни соат 11:00-11:30 атрофида мактабимизга сут ва булочкалар ортилган трактор келарди. Синф раҳбаримиз рус тили ўқитувчиси Назира Қодирова ўзи бош бўлиб синфда булочка ва қайнатилган сут тарқатарди. Сут халқпарвар ва халқ сайлаган депутат Қобилжон Обидов (ҳали ҳоким эмасди) қуриб берган ошхонамизда қайнатиларди. Шунчаки эсга тушгани учун қайд этдим. Қанчалик оғир шароитда бўлмасин Ўзбекистон 90- йилларда ҳозиргидан кўра каррасига социалроқ давлат эди.