Толиблар ҳокимиятга келганидан буён қўшни давлатларга етказилган электр учун қарзлар тўланмаган Афғонистоннинг ”DABS" энергетика корпорациянинг қўшни давлатлардан импорт қилинган электр учун қарзи 62 млн.доллардан ошган. Компания ҳар ойда ўртача 25 млн.долларгача қийматда электроэнергия импорт қилади. Вазият шундайки, ”DABS"нинг истеъмолчилари - аҳоли ва бизнес электр учун деярли ҳақ тўлашмайди, тўлов дисциплинаси мавжуд эмас. Шунинг учун импорт қилинган электр учун асосан халқаро донорлардан йиғилган маблағлар ҳисобидан тўлов амалга ошириб келинган. Лекин толиблар ҳокимиятга келгач, халқаро ҳамжамият Афғонистонга ёрдам беришни деярли тўхтатган. Бошқа манбаларга кўра, қўшнилардан фақат Тожикистон Афғонистонга электр етказишни тўхтатган. Ўзбекистон, Туркманистон ва Эрон гарчи афғон томони тўловларни амалга оширмаслиги юқори бўлсада, электр етказишни давом эттирмоқда. Электр учун Ўзбекистоннинг Афғонистондан қанча миқдорда ҳақдорлиги ва бу ҳақдорлик толиблардан қай тарзда ундирилиши мумкинлиги тўғрисида очиқ маълумотлар мавжуд эмас.