Квоталаш ниқоби остида Қурбақани қайнаётган сувга ташланса, бирдан сакраб чиқиб кетади. Лекин қурбақа совуқ сувга солиниб, секин-аста сув ҳарорати кўтарилиб борилса, у пиша бошлаётганини сезмай ҳам қолади. Шу маънода 2020 йилдан фаоллаштирилган Протекционизмни тиклаш сиёсати ҳам, худди қурбақани совуқ сувда-аста секин қайнатиш сингаридир. Маҳаллий ишлаб чиқарувчиларни қўллаб-қувватлаш ниқоби остида мамлакатни хорижий товарлардан ёпиш ва ичкарида шаклланган бир гуруҳ фаворитларга давлат харидлари бўйича ҳажмларни қўшқўллаб топширишдан бошланган ҳаракат бу билан кифояланмаслиги аниқ эди. Энди улар навбатдаги босқичга - квоталаш орқали тор доирадаги манфаатдорларни янада қўллаш ва импорт бўйича ҳам садоқатли танланганлар гуруҳини ажратиб олишга уриниб кўришади. Ахир улар 90- йиллар ва 2000- йилларда квоталаш қандай мазали бўлганини жуда яхши эслайдилар. Айниқса бу восита ҳукумат қўлида бўлсами? Квоталаш, бу борада қандай эзгу ниятлар овоза қилинмасин, аслида қандай зарарли оқибатлар яратиши ҳақида Миркомил Холбоев батафсил ёзиб чиққан. Савдони эркинлаштирмоқчимизми ёки тескариси: 1- қисм. 2- қисм.