​Эркин савдо ва фаровонлик умидларидан воз кечиш керак Худонинг ўзи бизга бож солиб қўйган. Жойлашган ҳудудимиз, локация, логистика ва катта бозорларгача бўлган масофанинг ўзи бизга бож. Бунинг устига қўйиладиган бож, нотариф чекловлар бу ўзимизни ўзимиз жазолаш, ўзимизни ўзимиз камбағаллаштириш холос. Шу оддий ҳақиқатни тепада тушунишмайди деб ўйлайсизми? Жуда яхши тушунишади. Лекин ўта тор ва саноқли очкўз гуруҳларнинг ҳаддан ташқари кучли молиявий манфаатлари бор. Импортини чеклаш режалаштирилаётган мана бу рўйхатга қаранг: сув ва ичимликлар, лок-бўёқ маҳсулотлари, енгил автомобиллар учун эҳтиёт қисмлар, йиғма қурилиш конструкциялари, марказий иситиш қозонлари, кондиционерлар, музлаткичлар, ўтказгичлар, электр иситкичлар ва қолиплар ишлаб чиқариш учун тайёр боғловчилар. Кимларнинг ҳидини сезаяпсиз? Кимларнинг тулки башарасини кўз олдингизга келтираяпсиз?