Ҳали кучга кирмаган Ўзбекистон Республикасининг ижтимоий-иқтисодий комплекс ривожлантириш Концепциясида айтилганидек, протекционизм яқин йилларда иқтисодий сиёсатнинг асосий унсурига айланадиган кўринади. Қиймати 40 минг доллардан юқори бўлган автомашиналар импорти бўйича бир неча ой амал қилган имтиёзли режим яна бекор қилинаяпти. Айюҳанносларга қарамай, минерал сувлар импортига божлар ҳам 50%гача ошмоқда (шишасига камида 0.25 АҚШ доллари). Назаримизда, ҳали бу рўйхат давом этади. Гарчи тадбирлар мамлакатни ЖСТ ёки ЕОИИга киришга тайёрлаш мақсади шиори остида амалга оширилаётган бўлсада, бу кетишда иқтисодиётимиз 2022 йилга бориб янаям ҳолсизланган кўринишда бўлади, кенг аҳоли қатламлари эса янада камбағаллашади