UzAuto Motors нархларни оширишга деярли тайёр кўринади Нархларни ошириш кампанияси доирасида енгил пиардан бошланган ҳаракатларга бугун оғир артиллерия - ЎзА пропагандаси қўшилган. Агентлик сайтида муаллифи кўрсатилмаган ва "реклама ҳуқуқида" белгиси қўйилмаган, чала русчадан чала ўзбекчага таржима қилинган қуйидаги тўмтоқ мақола пайдо бўлган: "UzAuto Motors": нархларни ушлаб туриш даври якунланмоқда. Иқтибос: "Аммо мамлакатимизга келсак, сўровда қатнашган экспертларнинг ҳеч бири «нархларни ушлаб туриш» даври тугаганига шубҳа қилмайди: "UzAuto Motors" икки йил давомида сўмдаги нархини кўтармасдан туриб, нархни киритишга мажбур бўлади. ". Монополист оширадиган нархларнинг миқёсига ҳам ишора берилган: "15, 20 ёки 25 фоиз". Маълумот учун, ўтган ва жорий ҳафта давомида UzAuto Motors электрон ва босма ОАВларда реклама ҳуқуқлари доирасида пиар материаллар жойлаштириб борди.