Сбер Европадаги фаолиятини тўхтатмоқда Россиянинг энг муваффақиятли банки Сбер Европадаги барча шўъба ва филиалларини ёпишга қарор қилган. Банк тўғридан-тўғри санкцияларга учрамаганига қарамай, энг катта жабр кўрган молиявий муассаса бўлиб қолмоқда. Халқаро платформаларда Сбернинг расписка кўринишидаги акциялари 1 центдан пастроққача қулаган (конфликтгача 9 доллардан зиёд эди). Москва биржасида фонд майдончаси тўхтатилгани сабаб савдолар ўтказилаётгани йўқ. Бутун постсовет макони ва Шарқий Европа учун бизнес ориентир банк ўлароқ намуна бўлган Сбернинг қулаши, рости, жудаям аянчли.