"Единая Россия" Россия бозоридан кетаётган компанияларнинг активларини миллийлаштиришни сўрамоқда "Единая Россия" Бош кенгаши котиби Турчак Россия бозоридан кетаётган ёки ишлаб чиқаришни тўхтатаётган компаниялар активларини миллийлаштиришни таклиф этмоқда. Унга кўра шу йўл билан Ғарб компаниялари қасддан банкротлик йўлини тутишмоқда. Бунинг тўлови ўлароқ россиялик ишчилар бир кечада ишсизга айланишмоқда. Кейинги 2 ҳафтада энергетика, банклар, тўлов тизимлари, авиакомпаниялар, суғурта, аудит, ИТ, автомобилсозлик, мода, қандолат, логистика ва бошқа йўналишлардаги ўнлаб транснационал компаниялар ва брендлар фаолиятларини тўхтатишлари ва Россия бозоридан чиқиши ҳақида эълон қилишган эди. Охирги марта Россия ҳудудида бундан 104 йил муқаддам Чор Россияси ўрнига большевиклар ҳокимиятга келгач, хорижий капитал ва активлар ёппасига миллийлаштирилган эди.