Россия капитал ҳаракати билан билан боғлиқ конвертация чекловларини жорий қилмоқчи Россия капитал ҳаракатининг назоратини тикламоқчи, бу масалан, мулк, бизнес ва акция/улушларни сотишдан олинган тушумларни конвертация қилиб олиб чиқиб кетишни расман чеклаш ёки ҳукумат рухсати билан олиб чиқиб кетиш режимига қайтиш дегани. Bloomberg нашрининг манбалари бу ҳақдаги муҳокамалар охирги кунларда жуда жиддий ва юқори эшалонларда амалга оширилаётганини қайд этишмоқда. Украинага босқин бошлангандан кейин Россиядаги йирик хорижий капитал эгалари ўз активларини сотишда жиддий тўсиқларга учрашган. Бу банк бўладими, интернет компания ёки пиво заводими, кимга ва қанчага сотишни шахсан Путин ва унинг тор доираси белгилашга ўтган. Сотилган активлар бўйича тушумларни валютага айирбошлаб олиб чиқиб кетишга ҳам фақат Путин рухсат беради. Энди шу практика нафақат йирик хорижий бизнесга, Россиядаги барча хорижий актив эгаларига тааллуқли бўладиган кўринади. Кеча Марказий банкнинг бозор етарли чора эмас, деб ҳисоблаган қароридан кейин, айнан капитал ҳаракатига оид чекловлар киритилиши мумкинлиги ҳақидаги хабар рубль курсини бироз вақтга мустаҳкамлашга ёрдам берди.