Россиядаги меҳнат мигрантларимиз учун муқобил имконият Россияда олтин қуймалар сотиб олинганда 20%лик ҚҚС бекор қилинди. Бу ҳақдаги қонун бугун имзоланди. Илгари, масалан, олтин сотиб олингач, йўқотишлар ўрнини қоплаш учун, олтин нархини камида 20%га ўсишини кутиш керак эди. Содда қилиб айтганда, олтинни сотиб олиш ва қайта сотиш ўртасидаги фарқ Россияда 20%га етарди. Энди мана шу диспропорцияга барҳам берилди Рубль курсининг юқори даражада ўзгариб, қадрсизланиб бораётгани, транзакция ва ўтказмалардаги катта йўқотишлар мавжуд ҳозирги вазиятда олтин қуймаларнинг сотиб олиниши мигрантларимиз учун даромад ва жамғармаларини сақлаб қолиш учун яхши имконият ҳосил қилиши мумкин. Россиядаги амалдаги қонунчиликка кўра, қиймати 10 минг АҚШ долларигача бўлган олтин қуймалар ва тангаларни декларацияда кўрсатиб, сотиб олинганлигини тасдиқловчи чек ва квитанцияларни тақдим этиб Россия чегарасидан олиб чиқиш мумкин. Олтин сотиб олиш бўйича Россия банклари орасида энг қулай таклифларни Сбер тақдим этмоқда @the_bakiroo