Саноат ишлаб чиқариш ўсмоқда, лекин хавотирлар бор 2022 йил январь-февраль ойида саноат ишлаб чиқариш ҳажми 7,4%га ўсган. Ишлаб чиқариш юқори даражада ўсаётган позициялар: Автомобиль ишлаб чиқариш 78%га, 39 922 тагача ортган, лекин 2020 йил тегишли даври кўрсаткичига (49 014 дона) ҳали етмаган. Электроэнергия ишлаб чиқариш мақбул суръатларда ортмоқда - 12,5 млрд. квт.соат (+5%). Кўмир ишлаб чиқариш юқори суръатда кенгаймоқда - 878,6 минг тонна (+46%). Лекин ўсимлик ёғи (-44%), ун (-12%), пахта чигити (-16%) каби муҳим озиқ-овқат ва озиқ-овқат хом ашёси бўлган маҳсулотлар ишлаб чиқариш қисқара бошлаган. Шунингдек, газ, дизель ёқилғиси, цемент, калава ип ишлаб чиқаришда ортга кетиш кузатилмоқда.