​Биз ва сизнинг бекзодлар Бухоро вилоятининг Қоракўл туманида ажойиб мактаб бор. Жаҳон иқтисодиёти ва дипломатияси университети талабаси бўлган вақтларимда, ушбу мактабдан бўлган кўплаб йигитлар университетнинг иқтисодиёт йўналишига ўқишга киришар эди, ўша вақтда университетимиз энг зўр муассаса бўлган. Бу мактабда ўқиш мусулмон ҳужрасидагидек, ота-оналар ўзларининг қобилиятли фарзандларини қолдириб, уларга озиқ-овқат маҳсулотларини олиб келишлари ва ўқитувчиларга тўлиқ ишонишлари ҳақида гаплар бўлар эди. Мен у ерда қандай даҳолар дарс беришини билмайман, аммо ушбу мактаб феномени ақл бовар қилмас даражада. Орадан шунча йиллар ўтди, мазкур мактабдан эса ҳали ҳам математика бўйича халқаро олимпиада ғолиблари чиқмоқда. Ғолиблардан охиргиси Бекзод Нуриддинов исмли бола бўлди. Ижтимоий тармоқларда шу кунларда навбатдаги спортчига тантанали равишда янгидан қурилган уй ва қимматбаҳо автомобиль совға қилингани ҳақида муҳокамалар авж олмоқда. Математик болага эса навбатдаги фахрий ёрлиқ ва кичик мукофот. Канн кинофестивалида Гран при ғолиби бўлган Шокир Холиқовга арзон чой сервизи совға қилинганидан кейин бундай ҳолат унчалик ҳам ҳайрон қолдирмаяпти. Нега мамлакатимизнинг ҳақиқий ғурурлари бўлган, ақлий меҳнат одамларига мунтазам равишда бундай совғаларни бериш ёки жимгина ўтиб кетиш юзага келмоқда? Ўз юртининг муносиб фарзандларини қайд этиб ўтиш – бу жамиятга бўлган белгидир. Жуда аниқ ва тушунарли. Балки ушбу белгини олган мамлакатимизнинг миллионлаб болалари спортзалга бориб шуғулланиш ёки кимнингдир юзига тушириш ҳақида ўйлаб кўришлари мумкин – бу яхши ҳаётга бўлган ягона ва энг қисқа йўл (дисклеймер: мен профессионал спортнинг барча турларини ҳурмат қиламан). ➡️Аммо биз ким билан янги давлатни қурамиз? ➡️Ўқимишли ва ақлли одамларни қандай қилиб мамлакатда ушлаб қолиш мумкин? ➡️Фан ва таълимда ривожланишини ким юргизади? Айнан ҳозир давлат ақлий меҳнат одамларига ўз эътиборини қаратиши лозим. Қачонлардир И.А.Каримовнинг шахсан ўзи шахмат бўйича жаҳон чемпиони Қосимжонов билан кўришган эдику? Одамлар кўп нарсаларни унутиб юборишди, бу эса ёдимизда қолган. Бир даста гул ва шошилинчда босиб чиқарилган фахрий ёрлиқ билан тақдирланган эмас, балки давлат даражасида тан олинган мана шундай ақлли ‘’бекзодлар’’ – ҳисобнинг ажойиб нуқтаси бўлар эдилар.