Россияни террорни қўллаб-қувватловчи давлатлар рўйхатига киритиш сўралди Президент Зеленский Президент Байден билан телефон орқали суҳбат чоғида Россияни террорни қувватловчи ва ҳомийлик қилувчи давлатлар рўйхатига қўшишни сўраган. Байден Москвага босим ўтказишни кучайтириш мақсадида мазкур таклифни ўрганиб кўришини билдирган, лекин аниқ ваъдалар бермаган. 1979 йилда тузилган мазкур рўйхат нафақат иқтисодий, балки кенг сиёсий чекловларни ҳам ўз ичига олади ва ҳозирда амалда бўлган энг ёмон тақиқловчи рўйхатдир. Айни дамда рўйхатда Куба, Сурия, Эрон ва КХДР мавжуд. Ҳатто совуқ урушнинг энг оғир йилларида ҳам СССР бу рўйхатга киритилмаган. Террорни қувватловчи ва ҳомийлик қилувчи давлатлар рўйхатига тушган давлатларнинг ҳар қандай активлари музлатилиши, уларнинг учинчи давлатлар билан ҳар қандай савдо алоқалари чекланилиши мумкин .