Альфа-банк иловаси ҳам Google Play'дан ўчирилди Россия энг йирик хусусий банкининг иловаси энди Google Play'да йўқ. Ўтган куни App Store дўконлари орқали iOS платформасидаги Альфа-банк иловаси ҳам ўчирилган эди. Ҳафтанинг бошида фойдаланувчилар учун СберБанк Онлайн иловасини юклаб олиш Google Play ва App Store дўконларида тўхтатилган эди. Альфа-банк ҳам, Сбербанк ҳам Ғарбнинг блокловчи санкцияларига тушган. Ҳар икки банк хориждаги шўъбалари ва турли активларини тезликда сотишга киришган. Хусусан Альфа-банкнинг Қозоғистондаги шўъбаси харидор қидирмоқда, Сбербанкинг шўъбаси эса кредит портфелини сотишни бошлаган.