​Кўк дафтар, оқ, сариқ, очгунафша дафтарлар, малла дафтарлар Тарих такрорланмаслиги мумкин, лекин қофияланади. 90 йил аввал, 1932 йил 21 апрелда ўзбек газетлари ёзганлари орасидан мана бу эълон эътиборни тортмаслиги мумкин эмас: Нон бериш тартиби "Нон 9 ва 10-талонлар бўйича қуйидаги тартибда берилур: 1-категория ‘а’ учун 800 грамм; ‘б’ ва кўк дафтарлар учун 600 грамм; оқ, сариқ ва очгунафша дафтарлар ҳам икки ва учинчи категория учун 400 граммдан, малла дафтарлар учун 300 граммдан нон берилиши керак".