Коррупцияга қўйилган ҳайкаллар ҳар қадамимизда Инкузартга раҳмат, албатта. Балки бу девор коррупция билан курашда ҳар куни ютқазаётган ва камбағаллашаётган ўзбекистонликлар учун йиғи девори бўлиб қолар. Лекин ҳар куни, масалан ғорат қилинган Миллий боғ ўрнида қўққайиб турган Мейджик ситига кўзим тушганда, Технопарк счетчиги кўрсаткичларини текширганда, қурилгунча уч баробар нархи шишган кўприк устидан ўтаётганда, бузиб юборилган трамвай йўли ўрнидаги ер усти метросига чиққанда, Навоий кўчасида пробкада турганда, евроремонт қилинган Моҳи Хоссани кўрганда - мисолларни чексиз санаш мумкин, ўзимга ўзим айтаман: Ўзбекистонда коррупцияга ҳайкаллар қуриб бўлинган ва қурилмоқда. Балки улар совет давридаги Ленин ҳайкалларидан ҳам кўпроқдир.