Миллий боғни асл ҳолига қайтариш керак Ҳалиям кеч эмас. Кўл қуритилгани билан уни тикласа бўлади. Аминманки, Ўзбекистонда биронта ақлли ва виждонли одам Миллий боғнинг рамзларидан бири бўлган Кўлнинг ўрнида театр қурилишини истамайди. Кўлни қуритиш ва унинг ўрнига театр қуриш ғоясини фақат варварлар ёки босқинчилар қўллаши мумкин. Фақат саволни сен театрга қаршимисан, тарзида қўймаслик зарур. Ҳеч ким театр биноси қурилишига қарши эмас. Фақат бу иш бузғунчилик ва ғорат эвазига юз бермасин. Истиқлол комплекси қуришмоқчи бўлинган Тошкент марказидаги ҳиёбон сақлаб қолиндику. Роса чиранди ҳоким ва унинг атрофидаги шотирлари. Нега Миллий боғдаги кўлни асраб қолиш мумкин эмас? Жамоатчилик буни астойдил истаса кифоя. Ақл ва мулоҳаза билан йўли топилдику ўтган гал. Даровоқе, Миллий боғ ҳудудида Discover Invest офиси нима қилаяпти? Қачон эгаллаб олишга улгуришди? Ким бунга рухсат берди? Қандай қилиб Миллий боғ ҳудуди ҳокимга аффилланган компаниялар учун офис ўлароқ топшириб юборилди? Даф бўлсин. Бу боғ жамоатчилик макони. Қуритилган биринчи кўл ўрнидаги бетон ва дидсизликдан иборат Magic city'синиям йиғиштириб, олиб кетсин. Қаршилик йўқ, шаҳар ташқарисигами ё бирон собиқ мусор полигонига олиб бориб ўрнатсин.