200 миллион кўчатни қаердан оламиз? Йилига 200 миллион кўчат экилиши ҳақидаги хабарни эшитгандан буён бир савол мени қийнайди. Бунча кўчатни қаердан оламиз? Шунча кўчат етиштиришнинг ва тайёрлашнинг ички имкониятлари борми? Ё ташқаридан импорт қиламизми? Ўтган йили Тошкентнинг ҳар бир туманида бир миллион донадан дарахт экилиши эълон қилинганди. Шу ваъда нима бўлди? Кимдир текширдими ё сўрадими? Назаримда ўзбек чиновниклари миллионларни ўзларича, балки кичикроқ масштабда тасаввур қилишади. Тўғри, бир миллион доллар нақд пул кичик дипломатга сиғади. Лекин бир миллион кўчатни масалан синдирмай, зиён етказмай (1.5*0.05*0.05 ҳажмда) бир ҳудуддан иккинчи ҳудудга етказишга 116 та контейнер керак бўлади, 200 миллион кўчат учун эса 23 374та контейнер зарур.