Балки Ҳайкал тилладан, Кутубхона гувалакдан тикланса керак Давлетовга кўра, Тошкент вилояти ҳокимияти бюджетни орттириб бажаришдан тушган пуллардан Нурафшон шаҳрида ҳайкал ва кутубхона қуришга пул тақсимлаган. Ҳайкалга - 28,4 млрд.сўм. Кутубхонага - 6 млрд.сўм. Одатда бюджетнинг орттириб бажарилган қисми чайишга, ҳокимтўра ё амалдорларнинг эҳтиёжларига ёки шунақа оламшумул қийматлардаги ишларга сарфланади. Масалан, Тошкент шаҳар ҳокимияти бюджетнинг орттириб бажарилган қисмига Пушкин ҳайкали жойлашган майдон ва унинг теграсини 35,5 млрд.сўмга таъмирламоқчи. Бу майдон ва унинг атрофидаги бинолар 5 йил аввал капитал таъмирланганини ким ҳам эслайди? Хотираси калталар учун эслатма мана бу ерда. Пул борми? Уни албатта ўзлаштириш керак. Қанча қиммат бўлса, шунча яхши! Дунёнинг ҳеч бир мамлакатида ҳеч ким сайламаган тақсимловчилар қўлига бунчалар кўп маблағ тортиқ қилинмаган. Шундай экан, имкон борида отиб, сотиб, чайиб қолиш керак.