Туристларга нисбатан фуқаро ҳуқуқлари иккинчи даражали экани ҳақида Туристлар ва фуқароларнинг ҳуқуқлари ва оқибатлардаги фарқини кўрсатувчи охирги резонанс воқеаларни эсланг. Самарқандда қозоғистонлик туристларга нисбатан электрошокер қўлланилди, бу ишни амалга оширган миршаблар вазифасидан озод қилинди. Бу ноқонуний ҳаракатлар ўзбекистонликларга нисбатан қўлланилганида воқеалар ривожи қандай бўларди? Билмадим, баҳолай олмайман. Ўтган ойда Россиялик сайёҳ мамлакат ҳудудига дрон олиб киргани учун ҳибсга олинди ва кейин у оқланди. Тўғри, дронни мусодара этишди. Агар шу иш ўзбекистонлик билан содир бўлганида нима бўларди? Масалан, ўзингиз солиштиринг: Андижонда дрон ёрдамида клип олмоқчи бўлган видеооператор бир йил синов муддати билан шартли равишда уч йилга озодликдан маҳрум қилинган эди. Дрон учун жазоланган ўзбекистонлик ва жавобгарликдан озод қилинган хорижлик турист коллизияси ягона эмас. Бу билан туристларни аёвсиз таъқиб қилиш керак демоқчимасман. Йўқ, ўзимизнинг фуқароларга ҳам ҳуқуқ нормаларини кенг қўлланишини истайман холос. Ўзбекистонлик ўзини ҳимояланган ва эркин кўрган маконга хорижий туристларнинг келиши табиий равишда кўпаяди. Шунда хорижликлар ҳам табиий равишда ўзини Ўзбекистонда эркинроқ ва хавфсизроқ ҳис этади. Демак, хорижликни ҳимоя остига олмоқчимисиз, аввало ўзбекистонликнинг ҳуқуқини жойига қўйинг. Шунда ҳаракатларингиз самимийлигига ишонч уйғонади. @the_bakiroo