118 та шаҳарнинг бош режаси ишлаб чиқилган. Уларнинг орасида Тошкент бош режаси йўқ Демак, кўз остига олиб қўйилган, сотилиб тугатилмаган ва эгаллаб олинмаган, бузиб сотиладиган ерлар ҳали бор демак. Вертолетлар бошимиз узра ҳали кўп учади. Вақти вақти билан шаҳарларнинг бош режаси масаласи кун тартибига чиқарилиб туради. Мана бу ерда ёзилишича, республикада мавжуд 120 та шаҳардан 118 тасининг бош режаси ишлаб чиқилган. Ҳатто маҳаллаларнинг ҳам бош режалари тайёрланган. Лекин мамлакат пойтахтининг бош режаси ҳалиям йўқ, шаблон қилиб айтганда амалий ишлар бошлаб юборилган. Охирги марта пойтахт бош режаси 2014 йилда тасдиқланган, лекин исталганча ер сотиш, бузиш, қуриш ва эгаллаш учун генплан бир четга суриб қўйилган. Амалда Тошкент 6 йилдан бери генплансиз яшамоқда. Илк марта Тошкент янги Бош режаси 2019 йилга ваъда қилинган эди. Кейин ёлғончи қасамхўрлар 2020 йилни, кейин 2021 йилни, кейин 2023 йилни ва ҳатто 2025 йилни ваъда қилишган.