"Тошкент шаҳрининг 2041 йилгача ривожлантириш бош режа лойиҳасини ишлаб чиқишга оид чора-тадбирлар тўғрисида"ги қарор лойиҳаси эълон қилинди. Бу лойиҳа пойтахтнинг аввалги ҳокими Раҳмонбек Усмонов даврида ишлаб чиқилган ва кейинчалик турли сабабларга кўра ортга суриб қўйилган режаларнинг ўзгинасига ўхшайди. Лойиҳада мен эътибор қилган ўзгариш «Kentsel Yenileme Merkezi A.S.» (Туркия) компанияси номи тилга олингани холос. Шунчалик эринишганки, шаҳар таркибига қўшишмоқчи бўлаётган Юнусободнинг шимол қисмида 2018 йилдагидек Зангиота тумани эмас, қайта ташкил этилган Тошкент тумани жойлашганини инобатга олишмаган. Барча ҳавола ва ҳисоб-китоблар, жадваллар 2018 йилга таалуқли. Назаримда, Бош режа қани, деган ёқимсиз ва такрорланаётган саволларни вақтинча ёпиб туриш ва балки кун тартибидаги муаммолардан чалғитиш орқали вақтдан ютиш учун жойлаштирилган навбатдаги лойиҳалардан бири бу. @the_bakiroo