​Банкрот мамлакат ва ПЖ бассейни Шри-Ланка президенти Готабай Раджабакс истеъфо бергани ҳақида хабар қилинмоқда. Готабай Раджабакс ва унинг акаси Махинда Раджабакс Шри-Ланкани бироз танаффуслар билан 2005 йилдан бери бошқариб келган. Акаси бош вазир, укаси президент сифатида. Ёки тескариси. 2022 йил апрель ойида Шри-Ланка дефолт эълон қилган. Охирги 15 йилда тиним билмай қарз олган мамлакатнинг 50 млрд.доллар ташқи қарзи бор, унинг 7 млрд.долларини шу йил тўлаш керак эди. Дефолт эълон қилингач, ҳеч бир компания ва мамлакат Шри-Ланка билан алоқа қилишни истамай қолган. Озиқ-овқат ва ёқилғи нархлари аввалига осмонга кўтарилган, кейин қиммат нархларга ҳам емак ва ёқилғи топиш иложсиз ҳолат вужудга келган. Электр, сув таъминоти тўхтатилган. Мамлакат гуманитар катастрофа ёқасига келгач, президент ва бош вазир ака-ука Раджапакслар қочиб қолган. Ҳозир уларнинг қаердалигини ҳеч ким билмайди. Қочишдан аввал охирги марта президент Раджапакс Путин билан мулоқот қилганини маълум қилганди. Балки ўғри диктаторларнинг паноҳгоҳи Путин унга бошпана берар. Кеча пойтахт Коломбо аҳолиси президент саройига кириб борган. Саройдаги бассейн ва ҳашаматни кўриб нима учун Шри-Ланка банкрот бўлганини тушуниш қийин эмас. Беихтиёр "Кин-дза-дза" фильми ва ундаги ПЖ бассейни ёдга тушади.