Рубль агрессияси сателлит давлатларда инфляция омилига айланмоқда Буни коллектив ғарбда ёки Путин Россиясининг танқидчилари эмас, ЕОИИ таҳлилчиларининг ўзи эътироф этишмоқда. ЕОИИнинг интеграцион банки ҳисобланган Евроосиё тараққиёт банки ярим йиллик якунлари бўйича навбатдаги макроиқтисодий шарҳларини очиқлади. Унда хусусан, йил бошидан буён рублга нисбатан тенге 30%га, қирғиз соми 14%га, Арманистон драми 20%га, беларусь рубли эса 40%га қадсизлангани қайд этилган ҳолда, бунинг оқибатлари ҳали иқтисодиётда тўла акс этмагани таъкидланган. Шунингдек, миллий валюталарнинг рублга нисбатан қадрсизланиши инфляцияни кучайтирадиган қўшимча омиллардан бирига айланиши маълум қилинган. Агрессив рубль Россияда дефляцион босим шакллантираётган бўлса, ЕОИИ аъзоларида акс оқибатларни вужудга келтирмоқда: июнь ойи якунлари бўйича инфляция Қозоғистонда 14,5%га, Қирғизистонда 14%га, Беларусда 17,0%га, Арманистонда 10,3%га етиб улгурган.