Шу йилнинг март ойида Тошкент шаҳрида бўлиб ўтган Инвестициялар ва ташқи савдо вазирлиги ташкиллаштирилган халқаро инвестиция форуми учун давлат харидлари порталига жойлаштирилган маълумотларга кўра, ушбу форумни ташкил қилиш учун 15 млрд сўмдан ортиқроқ пул сарфлангани ҳақида маълумотлар ижтимоий тармоқларда тарқалди. Маълум бўлишича, бу ҳаммаси эмас экан. Вазирлик форумни ташкил этишда кўмаклашган баъзи бир ташкилотларга умуман пулини тўлаб бермаган ва ҳозиргача қарздор бўлиб қолмоқда. Жумладан реклама ва PR хизматларини кўрсатиб келадиган Webmedia Information компаниясига ҳам хизмат кўрсатгани бўйича ҳақ тўланмаган.