Қоидалардан устун имтиёзлар Солиқ қўмитаси маълумотларига кўра, ўтган 2021 йилда юридик шахслар жами 43,4 трлн.сўмлик имтиёзлардан фойдаланишган. 2022 йилнинг 6 ойида юридик шахслар ўзлаштирган имтиёзлар ҳажми 24,6 трлн.сўмга етган. Солиштириш учун Давлат бюджетининг даромадлари 2022 йилда 200 трлн.сўм атрофида прогнозланган. Эътиборлиси, гарчи индивидуаль солиқ имтиёзлари Солиқ кодексида тақиқланган бўлсада, 2022 йилнинг 6 ойида 10та ҳужжат билан 144,8 млрд.сўмлик имтиёзлар ҳадя этилган. Ўтган йили 15та ҳужжат бўйича 316,2 млрд.сўмлик имтиёз қўлланилган. Қанчалик ажабланарли бўлмасин, имтиёзларнинг кўпайиши солиқ юкини фақат оширади, имтиёзларнинг қисқартирилиши эса солиқ юкини камайтиради. Бу кетишда, агар ўзимизни ўзимиз тия олмасак, ўзимиз эълон қилган қоидаларни ўзимиз амал қилишни бошламасак, келаси 2023 йилда ҚҚС ставкасини 12%га туширилиши савол остида қолади, деб қўрқаман.