Tracker-2’нинг нархи Хитойда ишлаб чиқариладиган моделдан бироз қимматроқ бўлиши истисно қилинмаяпти Биз бошқача бўлишини кутганимиз ҳам йўқ. Сентябрь ойидан Tracker-2, октябрь ойидан бошлаб эса Chevrolet Onix автомобиллари учун шартномалар бериш бошланади. Лекин Tracker-2’нинг нархи Хитойда ишлаб чиқариладиган моделдан бироз қимматроқ бўлиши истисно қилинмаяпти. Шу пайтгача махфий қарор асосида бож тўламасдан Хитойдан импорт қилинадиган Chevrolet Tracker-2 255,2 млн.сўмдан сотилаётган эди. Ўтган ҳафта Tracker-2 ишлаб чиқарилиши бошлангани эълон қилиниши билан контрактациялар тўхтаб қолди. Chevrolet Onix нархлари ҳақида ҳам бир нарса дейиш қийин. Аввалроқ эълон қилинган анонсларда янги автомобиль комплектациясига қараб 9-12 минг доллар атрофида сотилиши эълон қилинган эди. Танловсиз ва шўрпешона истеъмолчи сифатида 26 йиллик тажрибамиздан келиб чиқилса, нархлар аниқ бундан баланд бўлади.