Янада қиммат рублга Россия нефт ва газ саноати бардош бера олмайди Макроиқтисодий таҳлил ва қисқа муддатли прогнозлаш маркази Россия иқтисодиёти тармоқларининг қиммат рублга бардошлилик даражасини ўрганиб чиққан. Таҳлил ёрдамида долларнинг рублга нисбатан курси қандай бўлганида соҳа зарар кўриб ишлаши аниқланган. Демак, рублнинг мустаҳкамланишига қарши энг мўрт соҳа ўрмончилик ва ёғоч тайёрлаш сегменти бўлиб қолмоқда. 1 доллар 63 рубль ва ундан паст бўлганида ўрмон кесиб ёғоч тайёрловчилар зарарга кириб кетишади, яъни улар айни дамда зарарга ишлашмоқда. Иккинчи мўрт соҳа бу транспорт воситалари ва ускуналар ишлаб чиқариш сегменти. Доллар/рубль 61 бўлганида соҳада зарарлилик нуқтаси бошланади. Россиянинг энг катта иқтисодий сегменти нефть ва газ қазиб олиш соҳаси доллар/рубль нисоби 46га тушганида зарар кўришни бошлайди. Россия ҳукумати қиммат рублнинг иқтисодиёт учун зиён эканини қайд эта бошлаган. Петербург форуми давомида Ҳукумат раисининг биринчи ўринбосари Белоусов 1 доллар 70-80 рубль энг оптимал ва қулай курс бўлишин таъкидлаганди. Аксар инвестицион банклар йил охирига доллар/рубль курсини 75 атрофоида прогноз қила бошлаган.