"...Ёнғиннинг ўзи ҳам худди шу сабабдан - пайтида телевизор мурватини бурайдиган одам йўқлигидан келиб чиққан" "Лолазор"дан иқтибос бежизга эмас. Кимдир, масалан, давлат келиб телевизорингизни ўчириб бермайди. "Ёнғин чиқмаслигини" истасангиз, ўзингиз ўчиринг. Ҳозироқ ўчиринг. P.S.Катта авлод эсласа керак, токи ГКЧП аъзолари қамалиб, Ельцин Горбачевга съезд минбари устида дўқ уришни бошлаганини кўрмагунча масалан, Каримовда СССР қулаганига тўла-тўкис ишонч бўлмаган. Зиёлилар, талабалар, диндорлар кўраётган СССР инқирозини Каримов ҳам кўрган, билган. Лекин буткул қулашига ишончи комил бўлмаган. Тўла ишонч ҳосил бўлиши билан, биринчи имкониятдаёқ вазиятдан фойдаланган. Яъни "телевизорни ўчирган". Ҳозир ҳам шундай. Россияда режим таназзулини ақли, хуши, зеҳни борки, ҳамма кўриб турипти. Режимнинг қулаши вақт масаласи холос. Токаев, Алиевда ва Сандудаги дадиллик, қўрқмаслик ва терслик менга 1990- йиллардаги Гамсахурдия, Снегур, Элчибейларнинг марказга нисбатан очиқча исён сиёсатини эслатади. Буям битта йўл. Лекин бизнинг йўлимиз эмас, назаримда. Биз, индамайгина худди 31 йил аввал бўлгани каби, сокин, жилмайиб ва албатта хушёр бўлиб вазиятни кузатамиз. Ҳаммаси якунига етганига тўла ишонч ҳосил бўлгандан кейингина розеткадан "телевизор кабелини узамиз".