Кулранг зонага айланиб бораётган эркин иқтисодий зоналар Эркин иқтисодий зоналарда рақобат муҳити яратилган, ички бозор тўйинган ёки ишлаб чиқариш ҳажмлари ички бозор эҳтиёжларини қоплайдиган ўхшаш маҳсулот ишлаб чиқарадиган маҳаллий ишлаб чиқарувчилар мавжуд бўлган маҳсулот турларини ишлаб чиқаришга доир инвестиция лойиҳалари амалга оширилишига йўл қўйилмайди. Бошқача айтганда, рақобат муҳити мавжуд сегментларда фаолият юритувчи ёки ўхшаш маҳсулот ишлаб чиқарувчилар эркин иқтисодий зоналар резиденти бўла олишмайди. Лекин бу норма амалда қандай ишлаяпти? Келинг, Ўзбекистонда энг чуқур ва кенг рақобат муҳити мавжуд текстиль компанияларини оламиз. Уларнинг эркин иқтисодий зоналар резиденти бўлишга ҳаракатлари қонун билан чекланган. Амалда-чи? Жиззах эркин иқтисолий зонаси резиденти "Жиззах-Тоштепа текстил" МЧЖ. Наманган эркин ииқтсодий хонаси резидентлари PE “CHUST TEXTILE”, “Iftihor Kiyim Sanoat” LLC. Ғиждувон эрвин иқтисолий зонаси резиденти "Gijduvan textile export". Бу рўйхатни яна чексиз давом эттириш ммукин. Айтиш керакки, эркин иқтисодий зоналарнинг 90 фоизида ҳатто сайти йўқ. Қолган 10 фоизида резидентлар тўғрисида маълумотлар ё келтирилмаган ёки тўлиқ эмас. Яъни ахборот ва очиқлик нуқтаи назаридан эркин иқтисодий зоналар у ерга кириб олинганидан кейин ёпиқ қозон ёпиғлигича қоладиган маконга айланиб қўлган. Эслатиб ўтамиз, эркин иқтисодий зоналар резиденти бўлиб олган субъектлар ер, мулк ва сувдан фойдаланганлик солиқларини тўламайди. Лойиҳа билан боғлиқ технология ва хом-ашё олиб киришда божлардан озод қилинган. Қўшилган қиймат солиғини соддалаштирилган ва тез муддатларда қайтариб оладилар. Қатор эркин иқтисодий зоналар резидентлари яна бошқа солиқлар, хусусан фойда солиғи тўлашдан ҳам озод қилинишган Бошқача айтганда гарчи эл қатори ҳамма ишлаб чиқараётган маҳсулот ишлаб чиқараётган бўлсангизда, лойиҳангизда ҳеч қанақа уникаллик ёки юқори қўшилган қиймат бўлмаса ҳам эркин иқтисолдий зона резиденти бўлиб олсангиз кифоя, индивидуал қарор ҳам керакмас, ёпиқ протокол ҳам керакмас, бир сўм солиқ тўламасдан рақобатчиларингизни бир тепиб ортда қолиришда давом эттираверасиз. Бу мавзудаги мулоҳазалар яна давом этади. @the_bakiroo