Кўпроқ газ, кўпроқ электр! Келаётган куз-қиш мавсумида истеъмолчиларга ўтган йилдагидан кўра кўпроқ газ ва электр етказиб бериш режалаштирилмоқда. Бу ҳақда Kommers.uz Энергетика вазирлигига таяниб ахборот бермоқда. Демак, кириб келаётган мавсумда истеъмолчиларга 34,9 млрд. киловат/соат, бу ўтган йилдагидан 2,5 млрд..киловатт соат кўпроқ электр етказиб берилади. Шунингдек, истеъмолчилар учун 30,6 миллиард куб метр табиий газ етказиб берилиши айтилган. Ўтган йилги режаларда бу кўрсаткич 29 млрд.куб, икки йил аввал эса 24,9 млрд.куб эди. Амалда ўтган мавсумларда истеъмолчиларга қанча газ ва электр етказиб берилгани бўйича маълумотлар очиқланмаган. Электр ва газ бўйича тарифлар 2019 йил августдан буён ўзгаришсиз қолмоқда.