Уч кун қолди: мулк ва ер солиғини тўладингизми? "Ташаббусли бюджет" билан боғлиқ кечаги қувончли қарорлар шукуҳида эсдан чиқармаслигимиз керакки, жисмоний шахслардан олинадиган мол-мулк солиғи ва ер солиғи тўлаш учун белгиланган охирги муддат 15 октябрь. Яъни, солиқлар тўлаш учун 3 кун муддат қолди. "Ташаббусли бюджет"га йўналтирилаётган маблағларнинг асосий манбаини айнан шу икки солиқ ташкил этади. Kommers.uz"га кўра, сентябрь охирига 2,8 триллион сўмлик тўланмаган қарздорлик бўлган. Унутмангки, шу сумманинг 1,3 триллион сўми ғолиб бўлган жами 1782та лойиҳани молиялаштириш учун йўналтирилади. Ўзбекистонликлар ўзлари тўлаётган солиқларни равон йўлларга, ичимлик сувига, трансформаторларга, таъмирланган мактаб ва шифохоналарга айланаётганини кўра бошлашмоқда. Шундай экан, солиқларни вақтида тўланг ва уларнинг қандай ишлатилишига бефарқ бўлманг, назорат қилинг. Инсоният ҳали бундан яхшироқ йўлни ўйлаб топа олгани йўқ!