Қандай қилиб 6 миллион сўм устав капиталга эга МЧЖ банкни сотиб олиши мумкин? Мен ҳам шундай қилсам бўладими? Битимдан хабардор ўқувчилардан бири шундай савол бераяпти. Ҳайрон бўлманг, бу Ўзбекистонда, янги Ўзбекистонда одатий практикага айланиб бўлган. Мотивлар бор ва улар бир хил. Масалан, учинчи эпохада иккинчи эпохадаги "хусусийлаштириш ишлари" очилса, уларни битта делога жамласа бўлади. Лекин сиз 6 миллион сўмлик устав капиталга эга МЧЖингиз бўлса, давлат банкини барибир сотиб ололмайсиз. Чунки сизда ҳукумат эшикларини тепиб киришга алоҳида қобилиятингиз ёки манфаатлари ҳукумат билан чатишиб кетган олигарх амакиларингиз йўқ бунинг учун.